News

مظفر گڑھ کے علاقے منصور پورہ کے رہائشی 27 سالہ نوجوان سلمان نے چار سال قبل اپنے قریبی دوست محمد حسن کو قتل کر کے لاش اپنے کمرے میں دفنا دی لیکن احساس جرم نے اس کا پیچھا نہیں چھوڑا اور ان تمام سالوں میں اسے پریشان کرتا رہا لیکن احساس جرم سے ٹوٹے ہوئے سلمان نے تین روز قبل ایک جنازے میں شرکت کے دوران مقتول کے بھائی کے سامنے سچ اُگل دیا۔ تفصیلات کے مطابق پولیس کا کہناہے کہ لاش نکالنے کے بعد اس لڑکے کو گرفتار کر لیا گیاہے ،مقتول کے بھائی سلیم نے بتایا کہ میں اپنے گاﺅں میں ایک جنازے میں شرکت کیلئے گیا تھا جہاں سلمان بھی موجود تھا، جب ہم جنازے میں شریک ہو رہے تھے تو سلمان نے مجھ سے پوچھا کہ کیا میں اب بھی اپنے گمشدہ بھائی کی تلاش میں ہو؟ جب میں ہاں کہا تو وہ کہنے لگا کہ تلاش بند کردو کیونکہ اب وہ نہیں رہا ۔سلمان نے مجھے بتایا کہ اس نے حسن کو قتل کر کے اپنے کمرے میں دفن کر دیاہے ۔

  ترکی کے شہر استنبول کی معروف استقلال گلی میں ہونے والے دھماکے کے نتیجے میں چار افراد ہلاک اور 38 زخمی ہوگئے۔ دھماکے کی وجہ کا تعین تاحال نہیں کیا جاسکا۔ مڈل ایسٹ آئی کے مطابق  ترکی کے شہر استنبول کے تاریخی بیوگلو ضلع کے استقلال ایونیو میں اتوار کو ایک دھماکہ ہوا۔  واقعے پر پہلے سرکاری بیان میں استنبول کے گورنر علی یرلیکایا نے کہا کہ دھماکہ شام کو چار بج کر 20 منٹ پر  استقلال گلی میں ہوا۔ انہوں نے کہا 'ہماری پولیس، صحت، فائر اور ڈیزاسٹر اینڈ ایمرجنسی مینجمنٹ  کی ٹیمیں جائے وقوعہ پر بھیجی گئی ہیں۔ گورنر کے مطابق دھماکے میں ہلاکتیں بھی ہوئی ہیں، اس حوالے سے جو بھی  پیش رفت ہوئی اس کو عوام کے ساتھ شیئر کیا جائے گا۔ بعد ازاں انہوں نے سوشل میڈیا پر بتایا کہ دھماکے میں چار افراد ہلاک اور 38 زخمی ہوئے ہیں۔ 

  سعودی عرب کے وزیر اعظم اور ولی عہد محمد بن سلمان کا دورہ پاکستان ملتوی ہوگیا۔ نجی ٹی وی اے آر وائی نیوز نے وزارت خارجہ کے ذرائع کے حوالے سے دعویٰ کیا ہے کہ محمد بن سلمان ایشیا کا دورہ کر رہے تھے جو کہ ملتوی کردیا گیا ہے، اس کے ساتھ ہی ان کا پاکستان کا دورہ بھی ملتوی ہوگیا ہے۔ وہ اب انڈونیشیا کے شہر بالی جائیں گے اور جی 20 سمٹ میں شرکت کریں گے۔ انہوں نے 21 نومبر کو خطے کا دورہ کرنا تھا جس میں پاکستان کا دورہ بھی شیڈول تھا۔ ذرائع کا کہنا ہے کہ سعودی ولی عہد کے دورہ پاکستان کی نئی تاریخوں کے حوالے سے بات چیت کی جا رہی ہے۔

جج ارشد ملک ویڈیو سکینڈل کے ایک اہم کردار میاں سلیم رضا نے 3برس بعد آپ بیتی سنا دی  ہے ، میاں سلیم کا کہنا ہے کہ نواز شریف کے خلاف جھوٹی گواہی نہ دینے پر "انتہائی مطلوب دہشت گرد" بنا دیا گیا تھا۔ تفصیلات کے مطابق  میاں سلیم رضا  صحافیوں سے گفتگو کرتے ہوئے بتایا  کہ ایف آئی اے کے سینئر افسر نے اکتوبر 2019 میں لندن آکر  نواز شریف کے خلاف پریس کانفرنس کرنے کیلئے دباو ڈالاجھوٹا بیان نہ دینے پر تباہ کرنے اور نام انتہائی مطلوب افراد کی فہرست میں ڈالنے کی دھمکی دی گئی ، یہاں تک کہ جھوٹی گواہی پر پاکستان میں سیاسی حیثیت اور مالی فوائد اور سرکاری سرپرستی کی یقین دہانی بھی کرائی گئی تھی ۔